Sopranoja Inva Mula për herë të parë do të festojë Krishtlindjen në Tiranë së bashku me vajzën e saj. Nënë e bijë ishin të ftuara sot tëk “Rudina” në televizionin “Klan” dhe treguan se janë shumë entuziaste që më në fund do të mund të festonin në atdheun e tyre. “Hera e parë që ndodhemi në Tiranë. Këtë vit është ndryshe, është shumë bukur”, – u shpreh Inva Mula. Kjo është Krishtlindja e tyre e parë në Tiranë që nga lindja e Ninës, sepse gjithmonë kanë qenë nëpër udhëtime për shakak të angazhimeve artistike të sopranos. Për më tepër Nina ka filluar dhe shkollën në kryeqytet dhe ajo po e shijon shumë qëndrimin në Shqipëri.
