Një i ri ka shkuar në spitalin e Korçës i plagosur, pas një sherri me 3 persona të tjerë. Ngjarja sipas policisë ka ndodhur në fshatin Podgorie të Maliqit, raporton klan. I lënduari, një 27-vjeçar me iniciale E.B, dyshohet se është konfliktuar për motive të dobëta me një bashkëmoshatar me iniciale M.B, si edhe dy kushërinjtë e tij. Për pasojë 27 vjeçari, ka marrë plagë në kokë e trup dhe aktualisht ndodhet nën kujdesin intensiv të mjekëve. Autoritetet ndërkohë po punojnë për sqarimin e rrethanave të ngjarjes.
