As gjyqtarët nuk e kanë jetën vaj, ndodh ndonjëherë që të gjenden në pozitat e klientëve të tyre. Juristja Eni Çobani, është kallëzuar penalisht në Prokurorinë e Tiranës nga një gjyqtar i Gjykatës së Korçës. Akuza është për fyerje publike në programin e saj “Shihemi në gjyq”. Gjyqtari Selajdin Pysqyli e konkretisht, i referohet seancës së datës 3 dhjetor dhe ndihet profesionalisht i fyer.
“Ky nuk është vendim. Nuk e di se çfarë është, por vendim nuk është. Prandaj sistemi gjyqësor është me plagë të rënda. Për këta gjyqtarë duhet vetingu. Me kërkesën time, dosjen e këtij gjyqtari do t’ja çoj organeve të vetingut.”-është shprehur juristja gjatë transmetimit televiziv.
Pranë Prokurorisë së rrethit Gjyqësor Tiranë është depozituar një kallëzim penal ndaj avokates Eni Çobani, në lidhje me emisionin “Shihemi në Gjyq’ të datës 03/12/2017, për fyerje ndaj Gjyqtarit të Gjykatës Korçë, Selajdin Pysqyli.”-thuhet në kallëzim, sipas “CityNeës”.
Në këtë emision, Çobani u është referuar dy vendimeve gjyqësore të formës së prerë nga Gjykata e Rrethit Gjyqësor Korçë dhe ka komentuar vendimet e dhëna nga gjyqtari Selajdin Pysqyli.
Në këtë emision, Çobani u është referuar dy vendimeve gjyqësore të formës së prerë nga Gjykata e Rrethit Gjyqësor Korçë dhe ka komentuar vendimet e dhëna nga gjyqtari Selajdin Pysqyli.