Një 25 vjeçare me iniciale S.H është arrestuar nga policia, për dokumentë të falsifikuara në aeroportin e Rinasit. Vajza është kapur me një pasaportë dhe një kartë shëndeti italiane, të falsifikuara. Drejtoria Vendore për Kufirin dhe Migracionin Tiranë, Komisariati i Kufirit dhe Migracionit Rinas, u shprehën se më datë 24.12.2017, kanë kaluar materialet në Prokurorinë e Rrethit Gjyqësor Tiranë, për shtetasen S.H, vjeç 25, banuese në Burrel, pasi dyshohet se në dalje te aeroporti Rinas, iu gjetën një pasaportë e një kartë shëndeti italiane, të falsifikuara.
