Sulmi i sotëm ndaj fisit Capja, ku një automjet hapi zjarr në drejtim të tyre tronditi qytetin e Elbasanit. Policia më tej po punon për hetimin e ngjarjes dhe detaje të reja kanë dalë në dritë. Bëhet fjalë për automjetin e djegur, që u përdor për të bërë atentatin në lagjen “Emin Matraxhiu”. Sipas policisë automjeti i përket një kompanie biznesësh me emër në Elbasan, i denoncuar i vjedhur. Makina e tipit benz, kishte targa fallso dhe u dogj me benzinë, fill pas sulmit.
